كل الشباب حديثى التخرج دلوقتى اكتر عقبة ممكن تقابلهم بعد تخرجهم فى رحلة البحث عن وظيفة هي المقابلة الشخصية ( الأنترفيو ) –
دلوقتى هنتكلم عامة عن تصنيف الأسئلة الى ممكن تتسئل ليك
– الأسئلة المفتوحة وده سؤال بيبقى ليه اكتر من هدف ( تقييمك فى اللغة – تركيزك – لغة التواصل )
– الأسئلة الفنية ودايما بتبقى فى تخصصك ومهارتك الى هتسخدمها فى الشغل
دلوقتى هنتكلم عامة عن تصنيف الأسئلة الى ممكن تتسئل ليك
– الأسئلة المفتوحة وده سؤال بيبقى ليه اكتر من هدف ( تقييمك فى اللغة – تركيزك – لغة التواصل )
– الأسئلة الفنية ودايما بتبقى فى تخصصك ومهارتك الى هتسخدمها فى الشغل
- Tell me about yourself
من أشهر الأسئله المفتوحه واللي بيبتدي بيها كل المقابلات هو سؤال قدم نفسك ببساطه شديده الInterviewer في اجابة السؤال ده بيقيم اللغه عندك ومهارة التواصل ، من اشهر الاخطاء في اجابة السؤال ده انك متبقاش محدد وتتكلم كلام كتير اوي .الاجابه النموذجيه انك هتعرف نفسك “اسمك ، سنك ، مؤهلك ، بتشتغل ايه حاليا وفين ومن وقت اد ايه ” ,وتختم الكلام بانك مبسوط انك بتعمل الانترفيو ده وبتتمني تبقي واحد من فريق عملهم.
- What are your weakness and Strength points
- تاني سؤال بيتكرر كتير انك تتسأل في نقاط الضعف والقوة فى شخصيتك ؟
الinterviewer في السؤال ده بيشوف ايه تقييمك لشخصيتك وشايف نفسك ازاي ، عارف ايه نقطة ضعفك وبتطور من نفسك ولا لأ؟ وعارف ايه بيميزك ولا لأ؟
مينفعش تبقي مقدم علي وظيفة sales وتقول ان نقطه ضعفك انك بتخاف تتكلم ادام جمهور لأن نقطة ضعفك مينفعش تبقي بتتعارض مع متطلبات الوظيفه اللي بتقدم عليها
من أحسن الاجابات للسؤال ده انك تقول نقطه ضعفك وانك ازاي بتحاول تتغلب عليها ، ممكن الinterviewer يقولك ايه كمان !! قولي نقطه ضعف تانيه وهنا بيكون بيضغط عليك عشان يقيم رد فعلك ويشوف انت حافظ ولا فعلا فاهم
اعرف 3 عيوب في شخصيتك ميكونوش هيأثروا علي الوظيفه وشوف ليهم خطة حل
شوف ايه بيميزك وابعد عن الكلام المحفوظ انك Hard worker وبتنسي نفسك في الشغل
- Why we should hire you
ليه نختارك ؟
هنا بيبان مدي فهمك لمهام الوظيفه اللي بتقدم ليها ، عارف بالظبط ايه المطلوب منك وعارف هتقدر تقدمه ولا لأ، لازم تكون قاري مهام الوظيفه ومتطلباتها كويس جدا عشان تقدر تجاوب علي السؤال ده وبتلخص فيه خبراتك السابقه طبعا
وطبعا مهاراتك سواء اللغوية او استخدام الكمبيوتر او مهارات العرض الى انت مميز فيها جداً وهتقدر تستخدمها فى الوظيفة الى انت مقدم فيها
وطبعا مهاراتك سواء اللغوية او استخدام الكمبيوتر او مهارات العرض الى انت مميز فيها جداً وهتقدر تستخدمها فى الوظيفة الى انت مقدم فيها
- Describe yourself with one word
اهم حاجه هنا يكون ردك سريع وبثقه وتقول صفه ايجابيه طبعا وتكون بتميزك عن منافسين كتير ليك ومقدمين زيك فى الوظيفة.
- What is the biggest challenge you’ve ever had to overcome
حديثى التخرج ممكن يتكلموا عن مشروع التخرج ، وازاي كان تحدي كبير بالنسة لهم فى انهم يشتغلوا تحت ضغط زي ده ، وانك كنت قائد الفريق وتم تسليم المشروع في الميعاد ، وده كان تحدي لأنك أول مره تبقي في ضغط بالشكل ده وتسليم في وقت قريب .
حاجة اخيرة ومهمة جداً
لازم تقرأ كويس عن الشركة او المؤسسة الى انت رايح تعمل فيها انترفيو
( تاريخ تأسيسها – فروعها – نشاطها – ايه الى بتقدمه – عملائها )
لازم تقرأ كويس عن الشركة او المؤسسة الى انت رايح تعمل فيها انترفيو
( تاريخ تأسيسها – فروعها – نشاطها – ايه الى بتقدمه – عملائها )
ليست هناك تعليقات :
إرسال تعليق